حكاية الست القصيرة

كان يا ما كان في قديم الزمان وسالف العصر والاوان كان في ست قصيرة بعمرا ما كنست حصيرة وفي يوم حبت تكنس هالحصيرة فلقت ثلاث دهبات حطتن عالطاقة اجا الحرامي سرق لها نصن وخلالا نصن اجت الختيارة لتاخد الدهبات مالقت غير نصن راحت على جارتا قالت لها انا صغيرة وبيتي صغير بعمري ما كنست بيتي ولما كنستو لقيت ثلاث دهبات حطيتن عالطاقة اجا الحرامي سرق لي نصن وخلالي نصن قالت لها جارتها حطى بالطاقة وسخ وحطي بالحيط ابر ودبابيس وحطي بالسقف ديك وحطي بالارض خازوق فعملت مثل ما قالت لها الجارة فاجا الحرامي ليسرق باقي الدهبات طمست ايدو بالوسخ راح ليمسح بالحيط غزو الابر والدبابيس بايديه راح ليدعي لربو عملا الديك بعينو اجا ليقعد عالارض غز الخازوق بمقعدو راح يشكي لامه قال لها جيت اخد الدهبات طمست ايدي بالوسخ قالت له ياابني هي حنة اتحنيت قال لها جيت لمسح بالحيط غزو الابر والدبابيس بايديي قالت له هي نقشة اتنقشت قال لها جيت ادعي لربي عملها الديك بعيني قالت له هي قطرة انقطرت قال لها جيت اجلس عالارض غز الخازوق بمقعدي قالت له لا ياابني هاد جحشك النونو وتوتي توتي بعبكن مفلوتة ان كان بيتي قريب لجبلكن حمل زبيب بس بيتي بالضاهرية مابحسن جبلكن ولا ربع وقية

ياسلام لسا هي احلى كل يوم قبل ماينام يامن بقلي حكيلي قصة الصغيرة البيتا صغير
حكايا زمان مافي احلى منها

أي والله مافي أحلا من حكايات زمان