حكاية الثلاث بنات

كان ياما كان نحكي ولا ننام كان في ثلاث بنات يغزلو وياكلو وكانت كل يوم وحدة تروح تبيع الغزلات وتشتري اكل لا خواتى وفي يوم كان دور الصغيرة فلما باعت الغزلات واشترت الاكلات شافت رجل ختيار قال لها كبي غزلاتك وشيليني وعلى بيتك وديني واخبطيني بالمخباطة وشوفي شو بيطلع مني قالتلو ياعمي روح خليني روح طعمي اخواتي هلئ بكونو جوعانين رجع قلا نفس الكلام ولما ماادرت عليه كبت الاكلات وشالتو وعلى بيتة ودتو ولما شافوها اخواتى قالولها وين الاكلات نحنا جوعانين وعم ننتظر حكتلن القصة فحبو يشوفو شوالحكاية فدخلو عالغرفة وبلشو في خبط وضرب خبط وضرب فصار كل ضربة وكل خبطة يطلع منو الدهب والمصاري والمجوهرات فطار عقل البنات وفرحوا كثيرا وصاروا من الاغنياء وودعوا حيات الفقر وتجوزوا وخلفوا صبيان وبنات وعاشوا فسبات ونبات وتوتي توتي خلصت الحتوتي حلوة ولا فتفوتة

طبعا حلوة كتير واللي كاتبتا احلى يسلم هالفم
الله لما كنا صغار وتحكيلنا هالحكايا
وهلأ نحن عمنحكيا لولادنا
الله يخليلنا اياك يارب

أمين يارب أي والله كانت أحلا
أيام لما ننجمع جنبك وتحكيلنا هالحكايا