الحمام المغربي ..مين تبي معلومات

لحمام المغربي...مين تبي معلومات؟؟؟؟ 

 

أنا حبيت أخبر الأخوات عن طريقة عمل الحمام المغربي بالبيت ,ان شاء الله جربوه و ادعوا لي بالذرية الصالحة.
أولا يا أختي قبل الحمام بكم ساعة حطي مجموعة الزيوت اللي متعودة عليها و غطي راسك و اتركيها واعملي الحلاوة يعني شيلي كل الشعر الزائد بعد كدة خلي المي الحر شغال بالحمام لين ما يصير البخار ثم ادخلي الحمام و بللي جسمك فقط بس الشعر لا وحطي على جسمك الحنة + صابون مغربي و خليهم كم دقيقة ثم اشطفي و خذي الليفة المغربية وافركي كل جسمك بس مو بقوة وخلي أختك أو أمك أو بنتك تسوي لك الخلف يعني ظهرك و راح تشوفي ايش راح يطلع منك المهم اشطفي زين وبعدها اغسلي شعرك بالشامبو و حطي حمام زيت يعني ماسك و اشطفي ثم افركي وجهك بالمنظف فقط و ليس الليفة و في الأخير حطي جيل للحمام و اشطفي و لما تخلصي و تلبسي ما تشربي البارد اشربي شاي أخضر مغربي أو أي شيء حار مو بارد و ان شاء الله تستفيدوا من هذه المعلومات و ما تندموا اذا جربتوها مرة بالأسبوع والله لراح تحتاجوا لكريمات تبييض ولا أي شيء باذن الله. و نعيما مسبقا.